തന്നെ പൊലീസ് അറസ്റ്റ് ചെയ്താൽ ഒരാഴ്ചയ്ക്കകം പിണറായി വിജയൻ്റെ പൊന്നോമനപ്പുത്രിയെ അറസ്റ്റ് ചെയ്യിക്കുമെന്ന് വെല്ലുവിളിച്ചിരിക്കുകയാണ് കിറ്റക്സ് എംഡിയും കിഴക്കമ്പലം ട്വൻ്റി 20യുടെ സംസ്ഥാന പ്രസിഡൻറുമായ സാബു എം ജോർജ്. കുന്നത്ത്നാട് എംഎൽഎ പി.വി ശ്രീനിജനെ ജാതീയമായി അധിക്ഷേപിച്ച കേസില് സാബുവിനെ കഴിഞ്ഞ ദിവസം ചോദ്യം ചെയ്തിരുന്നു.
പുത്തന്കുരിശ് ഡിവൈഎസ്പി ഓഫീസിലായിരുന്നു ചോദ്യം ചെയ്യല്. പട്ടിക ജാതി-പട്ടിക വര്ഗ പീഡന നിരോധന നിയമ പ്രകാരം സാബുവിനെതിരെ നടപടിയാവശ്യപ്പെട്ടൊണ് ഡിവൈഎസ്പിക്ക് ശ്രീനിജൻ പരാതി നല്കിയത്.
ഇതേ വിഷയം ചൂണ്ടിക്കാട്ടി നിയമസഭാ സ്പീക്കർ എ.എൻ ഷംസിറിനും ശ്രീനിജൻ നൽകിയിട്ടുണ്ട്. എംഎൽഎ നൽകിയ പരാതിയുടെ അടിസ്ഥാനത്തിൽ സാബു ജേക്കബിനെ നിയമസഭ സമിതിക്ക് മുമ്പാകെ വിളിച്ചു വരുത്താനിരിക്കെയാണ് സാബു മുഖ്യമന്ത്രിയെ വെല്ലുവിളിച്ചിരിക്കുന്നത്.
തൻ്റെ അറസ്റ്റ് ഏതു നിമിഷവും ഉണ്ടാകും എന്ന വിവരം സാബു ജേക്കബിന് കഴിഞ്ഞ ദിവസം ലഭിച്ചു. അതോടെയാണ് ക്ലിഫ് ഹൗസിനെ തകർക്കാൻ മാത്രം പ്രഹര ശേഷിയുള്ള തൻ്റെ ആയുധപ്പുരയിലെ ഏറ്റവും ശക്തിയേറിയ ആയുധം പ്രയോഗിക്കുമെന ഭീഷണി സാബു മുഴക്കിയത്.
പുത്രവാത്സല്യത്തിൽ അന്ധനായ ധൃതരാഷ്ട്രരെപ്പോലെ പിണറായിയുടെ ഏറ്റവും വലിയ ബലഹീനത അറിയാവുന്ന സാബു മറിച്ചൊന്നും ആലോചിച്ചില്ല. മാസപ്പടി വിവാദവുമായി ബന്ധപ്പെട്ട് മകൾ ഊരാക്കുടുക്കിൽ പെട്ടിരിക്കുന്ന സമയത്ത് തന്നെയാണ് തൻ്റെ ആവനാഴിയിലുള്ള അസ്ത്രത്തിൻ്റെ പ്രഹര ശേഷിയെപ്പറ്റി മുഖ്യമന്ത്രിയെ ഓർമ്മപ്പെടുത്.
ടൈംബോംബ് വക്കുമ്പോൾ ടൈം താൻ മുഖ്യമെന്ന് ബിസിനസുകാരനായ സാബുവിന് മറ്റാരേക്കാളും നന്നായിട്ടറിയാം. സാബുവിൻ്റെ ആയുധത്തിൻ്റെ പ്രഹര ശേഷി തിരിച്ചറിഞ്ഞ മുഖ്യൻ സാബുവിനെ അനുനയിപ്പിക്കാൻ തൻ്റെ ക്യാബിനറ്റിലുള്ള ഒരു മന്ത്രിയെത്തന്നെ നിയോഗിച്ചിരിക്കുകയാണ്. മന്ത്രി പി രാജീവിനാണ് അതിൻ്റെ ചുമതലയെന്നാണ് ലഭിക്കുന്ന വിവരം.
